ليش يعني باللغة العربية ( لماذا) ومن مدة لاحظت اني اكررها وايد تبون تعرفون ليش اكررها ... خلكم معاي ؟
1- ليش اذا وقفنا بالاشارة الكل يخز الثاني ؟
2- ليش اذا رحت الجمعية تشوف البنات كلهم كاشخين كانهم رايحين مول ؟
3- ليش ما نتعشى بالبيت مثل اول ؟
4- ليش الشوارع صارت زحمة جذي ؟
5- ليش الشباب كلهم يدقون حديد ؟
6- ليش البنات حجاباتهم متفوخه ؟
7- ليش ما تكون الحياة بسيطة ومافي حقد وحسد ؟
8- ليش برمضان الكل معصب قبل الفطور ؟
9- ليش ماكو قواري مثل اول بالفريج ؟
10- ليش الناس ما قامت تستحي ؟
11- ليش انام الظهر ؟
12- ليش الحلاق زحمة يوم العيد ؟
13- ليش الدوانيات صارت كلها حش بحش ؟
14- ليش محد عاجب الثاني ؟
15- ليش وليش ما راح انخلص هذي اتفه الامور لان الكل يطالع الثاني ويتصرف مثله حتى لو كان على غلط طبعا مو الكل اكيد لان لو خليت خربت بس زادت شوي الحين اعطيكم مثال ...
مثال :
القرقيعان اول وين والحين وين اول يهال بالفريج بنات بصوب وصبيان بصوب وكل واحد شايل جيس ومعلقة برقبته ومستانـــــــــس وكــــل واحد يشوف الثاني منو محصل اكثر حلاو وخرابيط واذا فيه خرده بين الحلاو يتشقــق وسبحان الله كل شيء كان اول حلـــــــو... تعالوا الحيــــن خل انشوف القرقيعان ليش صار جذي طبعا هذا رايــــــي لان العوايل الكبار يعني الهوامير كانت تســـــوي قرقيعـــــــــان سبيشل ... مثلا : ام حمنـي بنت فلوس وام وليــد بنت ناس على قد حالهم واهم رفيجات بالدوام صار يوم القرقيعان ام حمني اعزمت ام وليد عندها بالبيـــــــت وام وليـــــد شافت الشغل الزين والقرقيعان الطيب مو هذا الي بالكيلو وفيه رمل شوي قامت وفكرت او وليـــــــــد وقالت انا من السنه الياية راح اســـــــوي مفاجئة مثل ام حمني حق اهلي والله وصج صارت المفاجئة وقالــوا حق ام وليد انتي مــــــــن تييبين افكار طبعا اضحكت يعني اهي الي مطلعـــــــة الفكرة ... ومن يومها الكل قام يقلـد ام وليد والكل يقول الزين عندي والقرقيعان ما صار حق اليهال صار حق الكبار والتفلسف الزايـــــــد والله العالــم جم يكلف القرقيعان وعلى فكره في ناس تتسلف علشان القرقيعان .
ملاحظة :
تره انا ما اعرف لا ام وليد ولا ام حمني هذا مثال فقط للتوضيح وهذي القصة ما تمثل شخصيتي بس هذا رايي بالموضوع مع احترامي حق الجميع .
قصة : ارضاء الناس غاية لا تدرك ؟ طبعا راح اكتبها باللغة الكوتيتة . والقصه من العصور القديمة .
الاب : يا وليدي تبي اعلمك شيء ما راح تنساه طول عمرك
الولد : طبعا الولد بعمر المراهقة تفضل يبه قول وانا اسمــع
الاب : شوف يا يبه قبل لا تسوي اي شيء فكر فيه عـــــدل وادرسه من جميع الجوانب واذا شفته صح ما عليــك من كلام الناس لان لو سمعت كلام الناس ما توصـــل حق شيء وما راح اتخلص واهم شيء صلاتك ودينك
الولد : انشاءالله يا يبه
الاب : شرايك نطلع شوي نتمشى
الولد : توكل على الله يا يبه طلع الولد مع ابوه ومعاهم عزكم الله حمار ..
الاب : يا وليدي انا راح اركب الحمار وانت خلك يمي تتمشى
الولد : انشاءالله يا يبه
وبالطريج مرو على ناس قاعدين ما عندهم شغل قالـوا شنو هذا ما يحس مخلي ولده يمشي واهو قاعد علـــى الحمار عفية قلب عليه
الاب : ها يا وليدي سمعت الكلام الي قالوه الناس
الولد : اي يا يبه
الاب : تعال خل نتبادل انا وانت انا انزل وانت اركب
الولد : انشاءالله يا يبه
وبالطريج مرو على ناس قاعدين ما عندهم شغل قالواشنو هذا الولد الي مو متربي مخلي ابوه الشايــــــب يمشي واهو قاعد على الحمار صج قليل ادب
الاب : ها يا وليدي سمعت الكلام الي قالوه الناس
الولد : اي يا يبه
الاب : تعال يا وليدي خل نركب مع بعض على الحمار
الولد : انشاءالله يا يبه
هم بعد مرو على ناس قاعدين ما عندهم شغل قالواشنو هذا ما فيهم رافه بالحيوان اثنين راكبين على حمار شكله راح ينكسر ظهره المسكين
الاب : ها وليدي سمعت الكلام الي قالوه الناس
الولد : اي يا يبه
الاب : تعال يا وليدي خل ننزل من الحمار ونتمشى يمه
بعد مرو على ناس قاعدين ما عندهم شغل قالـــواوالله هذيل رايحين فيها عندهم حمار ويمشون يمه (منو بالزمن هذا عنده حمار يقز فيه ) هذي من عندي
الاب : سمعت يا يبه الكلام الي قالوه الناس وفهمت
الولد : اي والله يا يبه طلعت صاج كلام الناس ما يخلص ويدخلون بكل صغيرة وكبيرة وبصراحه يا يبــــه انا راح اسوي الي مقنتع فيه وما يخالف امــــــور ديني واتوكل على الله .
* هذا الي قاعد يصير الحين الناس ما تخلي احد بحاله لـــــــــــــــــيـــــــــــــــــــــــــــــش ما ادري .
THE END
